Gestern hämer metem Ufbau gstartet und hüt gohts witer… ☺️

Mer wünsched allne Schöne Wiehnachte, frohi Festtäg und en guede Rutsch is neue Jahr!

🎄🎁🎉🎄🎁🎉🎄🎁🎉🎄🎁🎉🎄🎁🎉🎄🎁🎉🎄🎁🎉🎄🎁🎉🎄🎁🎉🎄🎁🎉

Aargauer Zeitung, 01.12.2022

Juhuu, mer hend es Interview gha mit de Aargauer Ziitig zu eusem Projekt mit de Gugge3000.

I dem Artikel erfahret ihr wie mer zu de Ehr cho sind, dass mer mitspiele hän dörfe, wie mer zu eusem „Schätzli“ cho sind und wie lang mer Ziit gha hend, bis alles het müesse sitze.

Also packet d’Lesebrülle us und lueget chli hinter d’Kulisse. Hier goht’s zum ganze Artikel

-> Artikel Aargauer Zeitung

Wenn au Du na e CD chaufe möchtisch, klick eifach uf den Link.

Falls Du aber de Meinig bisch, dass e CD zu oldschool isch chasch das Ganze au uf Spotify und AppleMusic streame.

Und wenn’d findsch dass Du genau Der/Die Richtig bisch für eusi Gugge, denn schriebsch eus entweder e DM, e E-Mail an neumitglieder@seifesueder.ch oder quatschisch eine vo eusene Mitglieder ah oder falls öpper öpper kennt wo öpper vo de Süder kennt, frögsch de öb er/sie dich mol mitnimmt zu de Probe oder zu eine vo eusne Uftritt.

Und es goht scho wieder los….

Yes! d’Fasnachtssaison startet in e paar Täg und denn heisst: schnapped euchi Instrument, legget Gwändli ah und rocket d’Bühni!!

Ah stop…. Du weisch net wo mer sind?

Jo, denn wird’s Zyt, lueg der grad euse Tourplan für’d Saison 22/23 ah und träg dir d’Termine ih!

Mer freuet eus immer wenn mer de eint oder ander treffet, zämme öbbis trinke, pläuderle und abartig geile Guggesound gniesse chönnt 🙂

Wann	Was	Wo
11.11.22	Fasnachtsparty	Oberrohrdorf
12.11.22	Fasnachtsparty	Amriswil
07.01.23	ultimative Hundsverlochete	Aedermannsdorf
13.01.23	Seifete	Leibstadt
21.01.23	Fasnachtsparty	Näfels
22.01.23	Fasnachtsgottesdienst	Leibstadt
04.02.23	Fasnachtsball	Turgi
04.02.23	MöckeFestival	Würenlingen
05.02.23	Fasnachtsumzug	Lyss
10.02.23	Fasnachtsparty	Mandach
11.02.23	Fasnachtsparty	Bonaduz
12.02.23	Fasnachtsumzug	Karsau
16.02.23	Traktorentournee	in der Umgebung
16.02.23	Städlifägair	Klingnau
17.02.23	Open-Air-Guggen-Festival	Laufenburg
18.02.23	Kinderfasnacht	Leibstadt
18.02.23	Fasnachtsparty	Kaisten
19.02.23	Fasnachtsumzug	Würenlingen
20.02.23	Fasnachsparty	Möhlin
21.02.23	Sekt Frühstück	Gaiss

Seifesüder Leibstadt präsentieren „Seifete“ das neue Guggenevent in Leibstadt. Reseviert euch den 13.01.23 in euren Kalendern und freut euch auf eine unvergleichliche Guggenparty bei uns in Leibstadt.