Am Samstag, 25.04.2026 hämmer eusi 48. Generalversammlig gha. Gmeinsam hämmer ufes erfolgriichs Johr dörfe zruggluege und chöne Revue passiere loh.
Das Johr händ 7 Aspirante dörfe ihri Ufnahmeprüefig mit Erfolg fire. Herzlichi Gratulation Stefan, Manuela, Andrea, Lara, Dominik, Anna und Viviane zum Aktivmitglied vo de Seifesüder.
Nach 11 Johr Fasnacht, hämmer das Johr de Jan dörfe zum neue Ehremitglied ernänne. Danke Jan!
Vom Vorstand hammer de Kai und d’Meli dörfe verabschiede. Mer danked euch vo ganzem Herze für die viele Stunde und euches Herzbluet wo er id Gugge investiert händ. Im Cedi und de Viviane wünsche mer viel Erfolg mit ihrem neue Vorstands Ämtli.
En grosse Dank goht au ah eusi 3 ustrettende Seifesüder. Danke für Euche Ihsatz und die viele gmeinsame Fäschter.
Voller Zuversicht starte mer is neue Vereinsjohr und freued eus bereits jetzt uf die nöchsti Fasnacht!
